കത്താത്ത കാർത്തിക വിളക്കു പോലെ

കത്താത്ത കാർത്തികവിളക്കു പോലെ
കണ്ണീരിലലിയുന്ന കവിത പോലെ
വിടരാതെ കൊഴിയുന്ന പൂവു പോലെ
തകരുന്ന സ്വപ്നത്തിൻ കളിപ്പാവ ഞാൻ (കത്താത്ത...)

എഴുതാത്ത കഥയിലെ  നായിക  ഞാൻ - ആരും
അറിയാത്ത വസന്തത്തിൻ മണമാണു ഞാൻ (2)
ഉയരാത്ത ഗാനത്തിൻ ശ്രുതിയാണു ഞാൻ - നീരിൽ
ഒരു ദുഃഖമെഴുതിയ പടമാണു ഞാൻ (കത്താത്ത...)

ഹൃദയത്തിൻ വാതിലുകളടഞ്ഞു പോയി - ഏതോ
മൃദുലവികാരമതിൽ ചിതറിപ്പോയി
മധുരാർദ്ര ഗാനധാര പകരാതെ പാവം
മമ സ്വപ്നവീണ വീണു തകർന്നു പോയി (കത്താത്ത...)