ഉണ്ണിക്കുട്ടന് ജോലി കിട്ടി

എം.എ. ഫിലോസഫി ബിരുദധാരിയായ ഉണ്ണിക്കുട്ടൻ അഞ്ചു വർഷമായി തൊഴിൽരഹിതനാണ്. ഗാന്ധിയനായ അവന്റെ പിതാവിന് സ്വന്തം മകനിൽ വളരുന്ന നിരാശ നിസ്സഹായനായി നോക്കിനില്ക്കാനേ കഴിയുന്നുള്ളൂ. പരിശീലനം സിദ്ധിച്ച ഷോർട്ട് ഫിലിം മേക്കറായ ഉണ്ണിയുടെ ജ്യേഷ്ഠൻ  രഘുവിന് പിന്തുണ നൽകാൻ അവൻ്റെ സ്വന്തം കുടുംബമുണ്ട്. 

മൂത്ത സഹോദരിയും ഭർത്താവും ഉണ്ണിയുടെ ജീവിതച്ചെലവുകൾ  വഹിക്കാൻ തയ്യാറല്ല. ഏകാന്തതയും അരക്ഷിതാവസ്ഥയും അനുഭവിക്കുന്ന  ഉണ്ണി തീവ്രവാദ ആശയങ്ങളിൽ ആകൃഷ്ടനാകുകയും ജന്മനാട്ടിൽ ഉണ്ടായിരുന്ന ജോലിസാധ്യതകൾ അവഗണിക്കുകയും  ചെയ്യുന്നു. അവൻ  ജോലിക്കായി നഗരത്തിലേക്ക് യാത്രയാവുന്നു. പക്ഷേ ആ  യാത്രയും പരാജയമാണ് സമ്മാനിക്കുന്നത്. കൂടതൽ  നിരാശനായി അവൻ വീട്ടിലേക്ക് മടങ്ങുന്നു. 

ഒടുവില്‍ ജീവിതസൗഭാഗ്യങ്ങളില്‍ നിന്നേ നിഷ്‌കാസിതനാക്കപ്പെട്ടവന്റെ എല്ലാവേദനയും പേറി ജീവിതത്തോട് തോൽവി സമ്മതിച്ച് ഉണ്ണി തന്റെ സര്‍ട്ടിഫിക്കറ്റുകള്‍ക്കൊപ്പം എരിഞ്ഞുതീരുകയാണ്. കുറച്ചു നാളുകൾക്കു ശേഷം രഘു തൻ്റെ അനിയൻ്റെ ജീവിതം സിനിമയാക്കുകയാണ് അതാണ്  കാണുന്നത് എന്ന് അവസാനം നമ്മൾ അറിയുന്നു.