കൃഷ്ണൻകുട്ടി

സ്വന്തം പരാജയത്തിന് (മോഹഭംഗത്തിനും) കാരണക്കാരൻ ഒരു കെ. നാരായണമൂർത്തിയാണെന്ന് കൃഷ്ണൻകുട്ടി വിശ്വസിക്കുന്നു. അയാളെ കൊന്ന് പകവീട്ടാൻ  
കൃഷണൻകുട്ടി ഇറങ്ങിപ്പുറപ്പെടുന്നു. പലേടത്തും അയാൾ ചുറ്റിത്തിരിയുന്നു. പലരോടും അന്വേഷിക്കുന്നു. ആർക്കും നാരായണമൂർത്തിയെ അറിഞ്ഞു കൂടാ. അറിയാവുന്ന ചിലർ കാണിച്ചുകൊടുക്കുന്ന നാരായണമൂർത്തിയാകട്ടെ, കൃഷ്ണൻകുട്ടി അന്വേഷിക്കുന്ന ആളല്ലതാനും.
 ഈ അന്വേഷണത്തിനിടയിൽ കൃഷ്ണൻകുട്ടി പലരുമായും ബന്ധപ്പെടുന്നു. നൈമിഷികമെന്ന് വിശേഷിപ്പിക്കാവുന്ന ബന്ധങ്ങളാണ് ഇവയെല്ലാം. അന്വേഷണ ത്വരയിൽ നിന്ന് കൃഷ്ണൻ കുട്ടിയെ പിന്തിരിപ്പിക്കാൻ ഒന്നിനും സാധിക്കുന്നില്ല. 

ഒടുക്കം കൃഷണൻകുട്ടി തന്റെ ശത്രു നാരായണമൂർത്തിയെ കണ്ടുമുട്ടുന്നു.