gaia ubuntu

എന്നു നിന്നെ കണ്ടു ഞാന-
ന്നെൻ ഹൃദയം പാടീ
സ്വർണ്ണവർണ്ണപ്പക്ഷിയെപ്പൊ-
ലെൻ ഹൃദയം പാടീ
നിന്നെ ഞാൻ ഓമനേ സ്നേഹിക്കുന്നൂ
ആ...എന്നു നിന്നെ കണ്ടു ഞാന-
ന്നെൻ ഹൃദയം പാടീ

കായ്മണികൾ കാറ്റിലാടും
ഈയൊലീവിൻ തോപ്പിൽ
കാതരേ..കാതരേ നീ വന്നു നില്പൂ
കാവ്യഭംഗി പോലെ
എൻ മനസ്സിൽ നിൻ മനസ്സിൽ
സ്പന്ദിതമാം മന്ത്രം
എന്റെ ഗിത്താർ തന്ത്രികളിൽ
ഇന്നു ഞാൻ പകർന്നൂ
നിന്നെ ഞാൻ ഓമനേ സ്നേഹിക്കുന്നൂ
നിന്നെ ഞാൻ ഓമനേ....

ചന്ദനം കടഞ്ഞെടുത്ത
പാദുകങ്ങൾ ചാർത്തി
ചഞ്ചലിത പാദയായ്
ഓമനേ വരുമ്പോൾ
ഈ മരങ്ങൾ പൂ ചൊരിയാൻ
കാത്തു നിൽക്കും പോലെ
ഈ ഹരിത ഛായകൾ
പാട്ടു പാടും പോലെ
നിന്നെ ഞാൻ ഓമനേ സ്നേഹിക്കുന്നൂ
നിന്നെ ഞാൻ ഓമനേ...സ്നേഹിക്കുന്നൂ

ആ... ആ... ആ...
താരം വാൽക്കണ്ണാ‍ടി നോക്കി
നിലാവലിഞ്ഞ രാവിലേതോ
താരം വാൽക്കണ്ണാ‍ടി നോക്കി
നിലാവുചൂടി ദൂരെ ദൂരെ ഞാനും
വാൽക്കണ്ണാ‍ടി നോക്കി

മഞ്ഞണിഞ്ഞ മലരിയിൽ
നിനവുകൾ മഞ്ഞളാടി വന്ന നാൾ (മഞ്ഞണിഞ്ഞ)
ഇലവങ്കം പൂക്കും വനമല്ലിക്കാവിൽ (2)
പൂരം കൊടിയേറും നാൾ
ഈറൻ തുടിമേളത്തൊടു ഞാനും
(വാൽക്കണ്ണാ‍ടി)

നൂറു പൊൻ‌തിരി നീട്ടിയെൻ
മണിയറ വാതിലോടാമ്പൽ നീക്കി ഞാൻ (നൂറു പൊൻ‌തിരി)
ഇലക്കുറി തൊട്ടു കണിക്കുടം തൂവി (2)
ഇല്ലം നിറ ഉള്ളം നിറ
മാംഗല്യം പൊഴിയുമ്പോൾ നമ്മൾ
ആ... ആ... ആ‍... നമ്മൾ
(വാൽക്കണ്ണാടി)

പൂമെത്തപ്പുറത്തു ഞാൻ നിന്നെ കിടത്തും
പൊന്നാഭരണമെല്ലാം അഴിച്ചു വയ്ക്കും
ഓമൽ തളിരുടലിൽ കസ്തൂരി ചാറു പുരട്ടും
രാമച്ച വിശറിയാൽ വീശും
നിന്നെ രാമച്ച വിശറിയാൽ വീശും
(പൂമെത്ത..)

ചെഞ്ചോരി വായ്‌ മലരിൽ ചെന്തൊണ്ടി ചുണ്ടുകളിൽ
പുഞ്ചിരി പാലമൃതം ഒഴുകുമ്പോൾ
ശൃംഗാരം പദം പാടി മെയ്യാകെ കരം തലോടി
തങ്കമേ നിന്നെ തങ്കമേ നിന്നെ
തങ്കക്കുടമേ നിന്നെ...പറയൂല..ബാക്കി പറയൂല..
ഉം..ഉം... (പൂമെത്ത..)

കുന്തള കെട്ടഴിയും തൂമുല്ല പൂ പൊഴിയും
കുങ്കുമക്കുറി എന്നിൽ പതിയും
ശ്വേതകണങ്ങളൂറും നാണം നിൻ കണ്ണു മൂടും
തങ്കമേ നിന്നെ ..തങ്കമേ നിന്നെ..
തങ്കക്കുടമേ നിന്നെ..പറയൂല..ബാക്കി പറയൂല..
ഉം..ഉം... (പൂമെത്ത..)