നൃത്തകേളി നിലച്ചു

 

നൃത്ത കേളി നിലച്ചു
മുത്തണിമണ്ഡപം മൗനം ഭജിച്ചൂ
മധുരലയത്തിൻ മണിയറ തന്നിൽ
ഹൃദയശലഭങ്ങൾ മയങ്ങീ

പിരിയാതെ നിൽക്കുമൊരു സൗരഭമേതോ
ചുരുൾമുടിച്ചാർത്തഴിഞ്ഞ കഥ പറഞ്ഞൂ
ചിതറിയ പൂവുകൾ ചിലമ്പുമണികൾ
ചിരിച്ചൂ കഥയോർത്തു ചിരിച്ചൂ (നൃത്തകേളി...)

അറിയാതെ വിടർന്നൊരു സൗഗന്ധികങ്ങൾ
ഇതൾ തോറും നിർവൃതിക്കുളിരണിഞ്ഞു
തഴുകിയ കാറ്റിന്റെ തരിവള ചിരിച്ചു
തരിച്ചൂ ഉടൽ കോരിത്തരിച്ചു (നൃത്തകേളി...)

----------------------------------------------------------------