നദിയിലെ തിരമാലകൾ ചൊല്ലി

നദിയിലെ തിരമാലകൾ ചൊല്ലി
കരയിലെ നിറമാലകൾ ചൊല്ലി
പുലരി വന്നു വീണ്ടും പുലരി വന്നു
എനിക്കു മാത്രം ഉദയമിന്നും അസ്തമയം (നദിയിലെ...)

മനസ്സെന്ന കിലുക്കാം ചെപ്പുടഞ്ഞു പോയ്
കിനാവിന്റെ മഞ്ചാടികൾ കൊഴിഞ്ഞു പോയി
അവ പെറുക്കി കോർത്തു ചാർത്താൻ പ്രിയ വരില്ലല്ലോ
എനിക്കു പാടാൻ പകൽകിനാവിൻ  രാഗമില്ലല്ലോ (നദിയിലെ...)

നിറഞ്ഞതും ഒഴിഞ്ഞതും കഥ മാത്രമായി
നിലാവിന്റെ പൂങ്കാവെനിക്കിരുൾ മാത്രമായി
കടലിന്നറിയാം നദി തൻ നാവിൽ തുടിച്ചിടും ദാഹം
കണ്മണീ നീയറിയുകില്ലെന്നാത്മാവിൻ ദാഹം (നദിയിലെ...)