വാടിത്തളർന്നൊരു

വാടിത്തളർന്നൊരു ജീവിതം നീയാണു
പാടിത്തളിർപ്പിച്ചതെൻ മകനേ

നീ വെടിഞ്ഞെങ്കിലെൻ തങ്കമേയെന്തിനീ
ജീവിതമമ്മയ്ക്കു ഭാരമായി

അച്ഛൻ പിരിഞ്ഞീട്ടും നിന്മുഖം നോക്കിയാ
ണിച്ഛിച്ചതീലോകജീവിതം ഞാൻ
നെഞ്ചം കുളിർത്തു ഞാൻ നിത്യവും നിൻ മൃദു-
പുഞ്ചിരിച്ചാർത്തിൽ മറന്നു ലോകം
ഇക്കൊടും കാറ്റിനെ താങ്ങുവാനാകില്ല
നിൽക്കേണ്ടയെൻ ജീവനാളമേ നീ
കൈക്കൊൾക, ദൈവമേ നീയെനിക്കേകിയ
കയ്ക്കുമീ ജീവിതം വേണ്ട വേണ്ട