തൊരപ്പൻ

തട്ടുംപ്പുറത്ത് ചെറുക്കൻ
തട്ടിപ്പറിക്കുന്ന കുറുക്കൻ
വട്ടു പിടിപ്പിക്കും കിറുക്കൻ

ഈ..തൊ-ര-പ്പൻ

കൂടെ പിറപ്പവൾ
തൊരപ്പന്റെ പെങ്ങൾ
തൊരക്കണതെന്താ
തേങ്ങാ പൂളോ നേരോ..

തേങ്ങയല്ല തൊരപ്പൻ നെഞ്ചാണെ..
തൊരത്തിയൊന്നടിക്കും പെണ്ണാണെ..
കുഴി മാന്തി..
തല മേലെ..
എറിയുന്നേ..

ആങ്ങളയും പെങ്ങളും തന്നാണോ..
പെരുച്ചാഴി ഫാമിലി (കൂട്ടര് ) തന്നാണോ..
കശപിശയും..
കലപിലയും..
തുടരുന്നേ..

അടുക്കള തൊരന്നു വരും
അടുപ്പിലും മണത്തു നോക്കും
ചൂല് കൊണ്ടു ചുഴറ്റിയടിക്കും
അലറി ചിതറിയെ..

തൊരപ്പനും കൂട്ടുകാരും
നാടുചുറ്റി കരണ്ട് തിന്നും
ഉള്ളതെല്ലാം കൊച്ചെലി മൂത്തെലി
ചുണ്ടെലി കുഞ്ഞെലി
തൊരന്നു തൊരന്നെ..

എല്ലാരും ഒരു മാള-
-പ്പുരയിൽ കഴിയുന്നോരാ..
എന്നാലും ചൊറിയാനൊരു 
രസമേ..സുഖമേ..

രണ്ടാളും കണ്ടാലും
എന്തേലും മിണ്ട്യാലും
കലഹം കയറും 
ഒരു കഥയിനിയറിയാം..

(തേങ്ങയല്ല തൊരപ്പൻ നെഞ്ചാണെ..)