സ്വർണ്ണത്തിനെന്തിനു ചാരുഗന്ധം

സ്വർണ്ണത്തിനെന്തിനു ചാരുഗന്ധം
രാജഹംസങ്ങൾക്കെന്തിനു പഞ്ചവർണ്ണം
കരളും കരളും കുളിരണിയുമ്പോൾ(2)
കഥയാണോ... അംഗഭംഗം നിന്നംഗഭംഗം  (സ്വർണ്ണത്തിനെന്തിനു...)

ഹൃദയങ്ങളിൽ മലർ പൂക്കുമീ
മധുവൂറുമനുരാഗ ശുഭവേളയിൽ
പുതുവേദിയിൽ പദമൂന്നൂവാൻ
ഇനി നമ്മൾക്കൊരുപോലെ പങ്കില്ലയൊ
ഞാൻ സഖിയല്ലയൊ   (സ്വർണ്ണത്തിനെന്തിനു...)

മണിയറ നിറദീപ മിഴിനാളമേ
എന്നെ മാംഗല്യമണിയിച്ച സൌഭാഗ്യമേ
ഉടൽ പാതി ഞാൻ നിന്റെ ഉയിർപാതി ഞാൻ
അഗതിയാമിവൾക്കെന്നും അവതാരം നീ  (സ്വർണ്ണത്തിനെന്തിനു...)