പ്രാണന്റെ പ്രാണനിൽ

 

പ്രാണന്റെ പ്രാണനിൽ പ്രേമപ്രതീക്ഷതൻ
വീണ മുറുക്കിയ പാട്ടുകാരാ (2)
പാടാൻ തുടങ്ങും മുമ്പെന്റെ മണിവീണ
പാടേ തകർത്തു നീ എങ്ങു പോയി (2)

ഒാളം തുളുമ്പുമീ കണ്ണീർ ചമച്ചൊരീ -
കാളിന്ദീ തീരത്തെ കൽപ്പടവിൽ (2)
സുന്ദര സ്വപ്നത്താൽ എന്നും നിനക്കൊരു -
മന്ദാരമാല ഞാൻ കോർത്തിരിക്കും (2)

എത്ര വസന്തങ്ങൾ എത്ര ശിശിരങ്ങൾ
പൊട്ടിച്ചിരിച്ചു കടന്നു പോയി (2)
എൻപ്രേമ പൂജതൻ പുഷ്പങ്ങൾ വാങ്ങുവാൻ
എന്നിട്ടും വന്നില്ലെൻ കൂട്ടുകാരൻ (2)

പ്രാണന്റെ പ്രാണനിൽ പ്രേമ പ്രതീക്ഷതൻ
വീണ മുറുക്കിയ പാട്ടുകാരാ 

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Praanante praananil

Additional Info

അനുബന്ധവർത്തമാനം