പൂത്തില്ലത്തെ പൂമുറ്റത്തെ

പൂത്തില്ലത്തെ പൂമുറ്റത്തെ
ചെത്തിമന്ദാരങ്ങൾ പൂത്തില്ല
പൂമുഖത്തൂണിന്മേൽ കൊത്തി വെച്ച
പൂക്കളിൽ മാറാല തൂങ്ങി നിന്നു

നെറ്റിയിൽ ചന്ദനം ചാർത്തിടാതെ
പുത്തൻ പുടവയും ചുറ്റിടാതെ
വെള്ളിമണിച്ചെല്ലം തുള്ളിടാതെ
ഇല്ലത്തമ്മയുമെങ്ങു പോയി

മച്ചിലെ ദീപം മയക്കമായീ
മഞ്ചലുമാട്ടം മറന്നു പോയീ
തെക്കിനിച്ചായ്പിൻ ചുമർത്തടത്തിൽ
കൊച്ചരിപ്രാക്കൾ കുറുകിയില്ലാ

വെള്ളോട്ടു കിണ്ടിയിൽ തീർത്ഥമില്ലാ
നല്ലിളന്നീരും മലരുമില്ലാ
ചീവോതി വാണോരകത്തളത്തിൽ
മൂവന്തിയ്ക്കും നിറദീപമില്ല