പുത്തിലഞ്ഞിക്കാട്ടിലെ തത്തമ്മേ

പുത്തിലഞ്ഞിക്കാട്ടിലെ തത്തമ്മേ
പുത്തൂരം വീട്ടിലെ മുത്തമ്മേ
വന്നാട്ടെ ഒന്നു നിന്നാട്ടെ ഈ
വടക്കിനിത്തളത്തിലിരുന്നാട്ടെ

ഒരു പഴകഥ നീയൊന്നു ചൊന്നാട്ടേ
മൂന്നും കൂട്ടി മുറുക്കിച്ചുവപ്പിക്കാൻ
പൂവാലൻ തളിരിളം വെറ്റില തരാം
വാസനച്ചുണ്ണാമ്പു തേച്ചു തരാം
അഹാ..അഹാ..ആഹഹാ
(പുത്തിലഞ്ഞി..)

ഏഴാം കടൽക്കരെ ഭൂതങ്ങൾ കാക്കും
വൈരമിരിക്കുന്ന പെരും ഗുഹയിൽ
ഒറ്റയ്ക്കായ കന്യകയെ
രക്ഷിച്ച മന്നന്റെ കഥ പറയൂ
അഹാ..അഹാ..ആഹഹാ
(പുത്തിലഞ്ഞി..)