ഓരോ കുയിലുമുണർന്നല്ലോ

 

ഓരോ കുയിലുമുണർന്നല്ലോ
ഓടക്കുഴലിലൊരീണവുമായി
ഓരോ കുയിലുമുണർന്നല്ലോ
ഓരോ പൂവുമുണർന്നല്ലോ
ഓരോ കുമ്പിൾ തേനും കൊണ്ടേ
ഓരോ പൂവുമുണർന്നല്ലോ

ഓരോ നിമിഷവുമോടിയകന്നിടും
ഓരോ സ്വപ്നങ്ങൾ
സ്വപ്നശലഭങ്ങൾ
അതു പാടുന്നൂ പാടുമ്പോളീ
ഹൃദയം ശ്രുതി മീട്ടുന്നു
( ഓരോ കുയിലും...)

ഓരോ തിരയും ചിറകു വിടർത്തിടു
മോരോ മോഹങ്ങൾ
മോഹഹംസങ്ങൾ
അതു താഴുന്നൂ താഴുമ്പോളീ
ഹൃദയം മിഴി പൊത്തുന്നൂ
(ഓരോ കുയിലും...)