മനസ്സേ നീയൊരു മാന്ത്രികനോ

മനസ്സേ നീയൊരു മാന്ത്രികനോ

ചിലപ്പോൾ നീയൊരു സ്വർഗ്ഗം തീർക്കും

ചിലപ്പോൾ നീ തന്നെ നരകവും തീർക്കും

മനസ്സേ നീയൊരു മാന്ത്രികനോ (മനസ്സേ..)

ഒരു നിമിഷം നീ മാലാഖയാവും

മറുനിമിഷം നീ ചെകുത്താനാകും

തീയായ്  നീറും ജലമായ് മാറും

തിരിയായ് തെളിയും നിഴലായ് മായും

മറുകര കാണാത്ത സമുദ്രം നീ

മറുപടിയില്ലാത്ത ചൊദ്യം (മനസ്സേ..)

ഒരു നിമിഷം നീ പൂങ്കൊടിയാകും

മറുനിമിഷം നീ മുൽച്ചെടിയാകും

രാവായുറങ്ങും പകലായുണരും

പൂവായ് വിരിയും കായായ് കൊഴിയും

അറിയപ്പെടാത്തൊരു രഹസ്യം നീ

അത്ഭുത മായാവിലാസം (മനസ്സേ..)