മാനത്തു നിന്നും വഴി തെറ്റി വന്നൊരു

മാനത്തു നിന്നും വഴി തെറ്റി വന്നൊരു
മാണിക്യ മുത്തെന്റെ മുന്നിൽ വീണു
പൂനിലാ ബിന്ദുവോ തൂമഞ്ഞു തുള്ളിയോ
അജ്ഞാത ദേവി തൻ തിരുരൂപമോ (മാനത്തു നിന്നും...)

ഏകാന്തമാം എന്റെ സ്വപ്നങ്ങളേതോ
ദിവ്യാനുഭൂതിതൻ നാദങ്ങളായീ (2)
ആ നാദവീചിയിൽ നർത്തനമാടാൻ
സങ്കൽപ ദേവതേ നീ വരില്ലേ (മാനത്തു നിന്നും...)

മാനസ വേദി തൻ വാതായനങ്ങളിൽ
നിൻ മുഖം കണ്ടു ഞാൻ കോരിത്തരിച്ചു (2)
എൻ ആത്മതന്ത്രിയിൽ രാഗമുണർത്താൻ
എന്നും നിനക്കായ്‌ ഞാൻ കാത്തിരിപ്പൂ(മാനത്തു നിന്നും...)

----------------------------------------------------------------------------