കൊല്ലാതെ കൊല്ലുന്ന മല്ലാക്ഷി

കൊല്ലാതെ കൊല്ലുന്ന മല്ലാക്ഷി നിന്നെ ഞാൻ
കല്യാണപ്പന്തലിൽ കണ്ടോളാം
മോഹിച്ചു നീട്ടുന്ന മോതിരവിരലിൽ നിൻ
സ്നേഹത്തിൻ മുദ്ര ഞാൻ അണിഞ്ഞോളാം

ചാവാതെ ചാവുന്ന പൂവാലൻ കുട്ടപ്പാ
നാവിട്ടടിക്കാതെ കേട്ടോളൂ
കല്യാണമന്ത്രം ജപിക്കുന്ന നേരത്തു
വല്ലതും നോക്കി പഠിച്ചാട്ടെ

താരുണ്യ പ്രായം തരളിത ഹൃദയം
തനുവിൽ മന്മഥന്റെ മറിമായം
കല്യാണം വേണ്ടെന്നു ചൊല്ലുന്ന നിന്മനം
കല്ലോ മുള്ളോ കാരിരുമ്പോ

കോളേജു പ്രേമം കോമാളി പ്രേമം
കരഞ്ഞാൽ തീരുന്ന കഴുതക്കാമം
മാറുന്ന രോഗം ഈ അനുരാഗം
ധാരയ്ക്കു നെല്ലിക്കാക്കഷായം