കർത്താവാം യേശുവേ

കർത്താവാം യേശുവേ മർത്യവിമോചകാ (2)
നീയേകനെൻ ഹൃദയാഥിനാഥൻ(2)
നീ എന്റെ ജീ‍വിത കേന്ദ്രമായ് വാഴേണം
നീയൊഴിഞ്ഞേതും എനിക്കു വേണ്ടാ (2)
(കർത്താവാം യേശുവേ)

രക്ഷകാ നിന്നിൽ ഞാൻ ആനന്ദം കൊള്ളുന്നു
നിൻ പുകൾ പാടുന്നു നന്ദിയോടെ (2)
എന്നുള്ളമെന്നല്ല എനിക്കുള്ളതൊക്കെയും
നിൻ കയ്യിൽ അർപ്പണം ചെയ്തിടുന്നു
(കർത്താവാം യേശുവേ)

എൻ കൈകൾകൊണ്ടു നീ അദ്ധ്വാനിച്ചീടുക
എൻ പാദം കൊണ്ടു നീ സഞ്ചരിക്ക
എൻ നയനങ്ങളിലൂടെ നീ നോക്കേണം
എൻ ശ്രവണങ്ങളിലൂടെ കേൾക്കേണം നീ
(കർത്താവാം യേശുവേ)