കാതിൽ നിന്നനുരാഗസംഗീതം

 

കാതിൽ നിന്നനുരാഗ സംഗീതം പകർന്ന നേരം
കൈവിരലുകളാൽ നീ തഴുകും നേരം
കളിമണ്ണിൽ തീർത്തൊരീ കന്യകാരൂപമൊരു
കനകവിഗ്രഹമായി മാറിയല്ലോ

കടമിഴിക്കോണുകൾ നിൻ കഴലിണ പൂജിക്കുവാൻ
ഒരു ശംഖുപുഷ്പമാല കൊരുത്തതില്ലേ
കവിളിലെ കണ്ണുനീരാക്കരപുടങ്ങളിൽ വീണു
പവിഴമല്ലികളായ് ചിരിച്ചതില്ലേ
(കാതിൽ...)

മഴവില്ലു കുലച്ചെയ്ത മലരമ്പു പോലെ നിന്റെ
മധുരമാം വിളിയെന്നിൽ തറഞ്ഞു പോയീ
ഒരു വാക്കും പറയുവാൻ കഴിഞ്ഞീല നിന്നോടപ്പോൾ
നിറകുടം തുളുമ്പില്ലെന്നറിഞ്ഞു പോയ്
(കാതിൽ..)