ഹിന്ദോളരാഗത്തിൻ

ഹിന്ദോളരാഗത്തിന്നോളങ്ങളിൽ
ചന്ദ്രിക പൂക്കും സന്ധ്യകളിൽ
കാളിന്ദി ചോദിച്ചിരുന്നു രാധേ (2)
ഞാൻ നീയൊഴുക്കിയ കണ്ണുനീരോ (ഹിന്ദോള..)

ദ്വാപരയുഗത്തിന്ന്നാത്മാവിലൊഴുകി
ആ വിരഹത്തിൻ ഹിമവാഹിനി
ആ ദുഃഖത്തിൻ ഓള ചിലമ്പുകൾ (2)
ആടുകയാണിന്നും ഹൃദയങ്ങളിൽ (2)
രാഗിണിമാരുടെ ഹൃദയങ്ങളിൽ (ഹിന്ദോള...)

അനുരാഗലോലൻ കണ്ണൻ മറന്നു
ആ വൃന്ദാവന രജനികളെ
ആ പ്രണയത്തിൻ കഥ തുളുമ്പുന്നു
ആയിരമായിരം യമുനകളായ്(2)
രാധികമാരുടെ കദനങ്ങളായ്(ഹിന്ദോള...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Hindolaraagathin

Additional Info

അനുബന്ധവർത്തമാനം