ചിത്രങ്ങളെഴുതുന്ന മനസ്സേ

 

ചിത്രങ്ങളെഴുതുന്ന മനസ്സേ നിൻ
ചിത്രത്തിലൊതുക്കുവതെങ്ങനെ എൻ
ശ്രീ മണികണ്ഠനെ ശ്രിതജനപാലകനേ
വർണ്ണത്തിലൊതുക്കുവതെങ്ങനെ
(ചിത്രങ്ങൾ..)

അല തല്ലിയാർക്കും കരുണാസമുദ്രം
തിരുമിഴിയിലെങ്ങനെ നീയൊതുക്കും
മലരിതൾ മിഴിയിലെങ്ങനെ നീയൊതുക്കും
നൂറു സൂര്യന്മാർ ഒരുമിച്ചുദിക്കുമാ
വാരുറ്റ മുഖമെന്നു വരച്ചു തീർക്കും
മനസ്സേ എന്നു നീ അതിൽ ജയിക്കും
(ചിത്രങ്ങൾ..)

വേദങ്ങൾ പൂക്കും തൃക്കാലടികൾ
ഏതു പത്മസുഗന്ധത്തിൽ നീ പകർത്തും
ഇനിയേതുഷസ്സിൻ ചായത്തിൽ നീ പകർത്തും
ആയിരം ഋതുക്കളെ ഒന്നിച്ചു പന്താടും
ആ വലം കൈയ്ക്കെന്തു നിറം കൊടുക്കും
മനസ്സേ എന്നു നീ അതിൽ ജയിക്കും
(ചിത്രങ്ങൾ..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Chithrangal ezhuthunna manasse

അനുബന്ധവർത്തമാനം