ആദ്യത്തെ രാത്രിയെ വരവേൽക്കാൻ

ആദ്യത്തെ രാത്രിയെ വരവേൽക്കാൻ
കാർത്തികവിളക്കുകൾ കൊളുത്തീ കണ്ണുകൾ
കാർത്തിക വിളക്കുകൾ കൊളുത്തീ
കല്പനസൗധത്തിൻ മുറ്റത്തു കാമൻ
പുഷ്പതാലങ്ങൾ നിരത്തീ
(ആദ്യത്തെ...)

അധരങ്ങളിൽ അമൃതപുളിനങ്ങളിൽ
ആയിരം ദാഹങ്ങൾ അലയടിച്ചൂ
നയനങ്ങളിൽ നീല നളിനങ്ങളിൽ
സ്വപ്നമരാളങ്ങൾ ചിറകടിച്ചൂ
ആ..ആ..ആ..ആ..
(ആദ്യത്തെ...)

ഹൃദയങ്ങളിൽ രണ്ടു ഹൃദയങ്ങളിൽ
അനുരാഗമകരന്ദം തുളുമ്പി നിന്നു
നിമിഷങ്ങളേ പാറും ശലഭങ്ങളേ
നിറയ്ക്കുക നിറയ്ക്കുക മധു വേഗം
ആ..ആ..ആ...ആ...
(ആദ്യത്തെ...)