നടന്നാൽ നീയൊരു സ്വർണ്ണഹംസം

നടന്നാൽ നീയൊരു സ്വർണ്ണഹംസം 
പൂത്തുവിടർന്നാൽ നീയൊരു പാരിജാതം
നിറച്ചാൽ നീയൊരു പാനപാത്രം
അടുത്തിരുന്നാൽ നീയൊരു രോമഹർഷം 
(നടന്നാൽ.. )

കിടന്നാൽ കട്ടിൽ നിറയും ഈ മുടിയിൽ
കൈവിരലോടുമ്പോൾ - എൻ 
കൈ വിരലോടുമ്പോൾ 
മധുരാംഗീ നീയണിയുന്നതേതൊരു മദനപരാഗം 
മദന പുഷ്പപരാഗം
(നടന്നാൽ.. )

തൊടുമ്പോൾ നാണം പൊതിയും 
ഈ തളിർമെയ് മടിയിലിരുത്തുമ്പോൾ - ഞാൻ
മടിയിലിരുത്തുമ്പോൾ 
മദിരാക്ഷീ നീ പകരുന്നതേതൊരു മധുരവികാരം 
മധുര മൃദുവികാരം
(നടന്നാൽ.. )