ഉണ്ണിക്കൈ വളര് വളര്

ഉണ്ണിക്കൈ വളര് വളര് വളര്

ഉണ്ണിക്കാല്‍ വളര് വളര് വളര്

തളയിട്ട്‌ വളയിട്ട്‌ മുറ്റത്തു പൂവിട്ട്

തിരുവോണത്തുമ്പി തുള്ളാന്‍ വളര് വളര്

ഉണ്ണിക്കൈ വളര് വളര് വളര്

 

ആയില്യം കാവിങ്കല്‍ ഉരുളി കമഴ്ത്തിയിട്ടാദ്യം

പൂത്തൊരു സ്വപ്നമല്ലേ

കല്യാണനാളിലെ കവിതയ്ക്കു കിട്ടിയ

സമ്മാനമല്ലേ - സമ്മാനമല്ലേ

ഉമ്മ - ഉമ്മ - നൂറുമ്മാ

(ഉണ്ണിക്കൈ... )

 

അച്ഛന്റെ രൂപത്തില്‍ ഗുരുവായൂരപ്പന്‍ വന്നാദ്യം

തീര്‍ത്തൊരു ശില്‍പമല്ലേ

സ്വര്‍ഗ്ഗത്തില്‍ നിന്നമ്മ കൈനീട്ടി വാങ്ങിയ

നക്ഷത്രമുത്തല്ലേ - നക്ഷത്രമുത്തല്ലേ

ഉമ്മ - ഉമ്മ - നൂറുമ്മാ

(ഉണ്ണിക്കൈ... )

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
10
Average: 10 (2 votes)
Unnikai valaru

Additional Info

അനുബന്ധവർത്തമാനം