ഭൂമിയെ സ്നേഹിച്ച

ഭൂമിയെ സ്നേഹിച്ച ദേവാംഗനയൊരു
പൂവിന്റെ ജന്മം കൊതിച്ചു
ഒരുവരുമറിയാതെ വന്നു. മണ്ണിൽ
ഒരു നിശാഗന്ധിയായ് കൺ തുറന്നു

സുസ്മിതയായവൾ നിന്നൂ. മൂക -
നിഷ്പന്ദഗന്ധർവ്വ ഗീതമുറഞ്ഞൊരാ
ശില്പത്തിൻ സൌന്ദര്യമായ് വിടർന്നൂ
കാലം നിമിഷ ശലഭങ്ങളായ്
നൃത്തലോലം വലം വെച്ചു നിന്നൂ (2) (ഭൂമിയെ.....)

പിൻനിലാവിറ്റിറ്റു വീണു കന്നിമണ്ണിനായ്
ആരോ ചുരന്ന നറും പാലിലെങ്ങോ
കരിനിഴൽ പാമ്പിഴഞ്ഞു
സ്നേഹിച്ചു തീരാത്തൊരാത്മാവിൻ ഉൽക്കട
ദാഹവുമായവൾ നിന്നൂ... (2) (ഭൂമിയെ.....)