ഒരിടത്തു ജനനം ഒരിടത്തു മരണം

ഒരിടത്തു ജനനം ഒരിടത്തു മരണം
ചുമലിൽ ജീവിത ഭാരം
വഴിയറിയാതെ മുടന്തി നടക്കും
വിധിയുടെ ബലി മൃഗങ്ങൾ - നമ്മൾ
വിധിയുടെ ബലി മൃഗങ്ങൾ 
ഒരിടത്തു ജനനം ഒരിടത്തു മരണം
ചുമലിൽ ജീവിത ഭാരം

ഈ യാത്ര തുടങ്ങിയതെവിടെ നിന്നോ
ഇനിയൊരു വിശ്രമമെവിടെ ചെന്നോ 
മോഹങ്ങളവസാന നിമിഷം വരെ
മനുഷ്യബന്ധങ്ങൾ ചുടല വരെ - ഒരു
ചുടല വരെ 
ഒരിടത്തു ജനനം ഒരിടത്തു മരണം
ചുമലിൽ ജീവിത ഭാരം

കരളിലെ ചെപ്പിൽ സ്വപ്നമെന്നൊരു
കള്ളനാണയം ഇട്ടതാര്
കണ്ടാലകലുന്ന കൂട്ടുകാരോ
കല്ലെറിയാൻ വന്ന നാട്ടുകാരോ 
ഒരിടത്തു ജനനം ഒരിടത്തു മരണം
ചുമലിൽ ജീവിത ഭാരം

ഈ മണ്ണിൽ കിടക്കുന്ന കൊഴിഞ്ഞ പൂക്കൾ
ഇതു വഴി പോയവർതൻ കാലടികൾ
അക്കരെ മരണത്തിനിരുൾ മുറിയിൽ
അഴുക്കു വസ്ത്രങ്ങൾ മാറി വരും
അവർ മടങ്ങി വരും 

ഒരിടത്തു ജനനം ഒരിടത്തു മരണം
ചുമലിൽ ജീവിത ഭാരം
ഒരിടത്തു ജനനം ഒരിടത്തു മരണം
ചുമലിൽ ജീവിത ഭാരം