ഒരു പ്രേമഗാനം (D)

ഒരു പ്രേമഗാനം നീ പാടി വാ കാറ്റേ
സ്വരരാഗപുഷ്പങ്ങള്‍ ചൂടി വാ കാറ്റേ
അനുരാഗചഞ്ചലയായ് നീ ആടി വാ കാറ്റേ
അനുരാഗചഞ്ചലയായ് നീ ആടി വാ കാറ്റേ
ഇതിലേ വന്നേ പോ തിരുമധുരം തന്നേ പോ
ഒരു പ്രേമഗാനം നീ പാടി വാ കാറ്റേ
സ്വരരാഗപുഷ്പങ്ങള്‍ ചൂടി വാ കാറ്റേ

അക്കരെ നിക്കണ സുന്ദരമാരന്‍
ചക്കിക്കൊത്തൊരു ചങ്കരനോ
പൂത്തിരിപോലൊരു കുസൃതിപ്പെണ്ണിനു
പുടവ കൊടുക്കാന്‍ വന്നവനോ
നീയറിയാതേ ഞാനറിയാതെ
കണ്ണാല്‍ ചൂണ്ടയിടുന്നവനോ
ആരുമാട്ടേ എന്തുമാട്ടേ
ഒരു കൈ നോക്കാം വന്നാട്ടേ
ഒരു പ്രേമഗാനം നീ പാടി വാ കാറ്റേ
സ്വരരാഗപുഷ്പങ്ങള്‍ ചൂടി വാ കാറ്റേ

വാനിന്‍ ചെരുവില് വണ്ണാത്തിക്കിളി
വായാടിക്കിളി പാടുമ്പോള്‍
കളഭം ചാര്‍‌ത്തിയ മേഘം മലയുടെ
കവിളിലൊരുമ്മ കൊടുക്കുമ്പോള്‍
(വാനിന്‍...)
നിന്റെ മനസ്സിലും എന്റെ മനസ്സിലും
നിന്റെ മനസ്സിലും എന്റെ മനസ്സിലും
ഏതോ മോഹം തിരിനീട്ടി
കണ്ടതൊന്നും മിണ്ടണ്ടാ നീ
കന്നിസ്വപ്നം കൊയ്താട്ടേ

ഒരു പ്രേമഗാനം നീ പാടി വാ കാറ്റേ
സ്വരരാഗപുഷ്പങ്ങള്‍ ചൂടി വാ കാറ്റേ
അനുരാഗചഞ്ചലയായ് നീ ആടി വാ കാറ്റേ
അനുരാഗചഞ്ചലയായ് നീ ആടി വാ കാറ്റേ
ഇതിലേ വന്നേ പോ തിരുമധുരം തന്നേ പോ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Oru premaganam

Additional Info

Year: 
2000

അനുബന്ധവർത്തമാനം