തിരുനെല്ലിക്കാട്ടിലോ

തിരുനെല്ലിക്കാട്ടിലോ
തിരുവില്വാമലയിലോ
തിരുവാതിര ഞാറ്റുവേലപ്പെണ്ണ് ഹോയ്
തിരുമുറ്റം തൂത്തുതളിച്ചിതുവഴി വാ
തീർത്ഥജലക്കുമ്പിളുമായ് ഇതുവഴി വാ
പെണ്ണിതുവഴി വാ
തിരുനെല്ലിക്കാട്ടിലോ

നീലമുകിൽ പാവാട പിഴിഞ്ഞു ചുറ്റി ഈ
നീരില്ലാച്ചോലകളിൽ പെയ്തിറങ്ങി
ഒരു തുള്ളി കുടിനീരിറക്കാത്ത മണ്ണിലേക്ക്
ഒരു പനിനീരുറവയായ് ഒഴുകി വാ
ഒഴുകി വാ ഒഴുകി വാ...
ആ പനിനീരുറവയിൽ അരയിലൊറ്റമുണ്ടുമായ്
അന്നാവണി ചന്ദ്രിക തേച്ചുകുളിക്കും
നമ്മളും തേച്ചുകുളിക്കും - തേച്ചുകുളിക്കും

കാവിവെയിൽ ചിറ്റാട പുതച്ചുനിൽക്കും ഈ
പൂവില്ലാക്കുന്നുകളിൽ താളമാടി
ഒരു തുമ്പക്കുടവും കിളിർക്കാത്ത മണ്ണിലേക്ക്
ഒരു പൂപ്പാലരുവിയായ് ഒഴുകി വാ
ഒഴുകി വാ ഒഴുകി വാ...
ആ കുളിർനീരരുവിയിൽ ഒരു കടിഞ്ഞൂൽപ്പൂവിനെ
അന്നാതിരചന്ദ്രിക മേൽകഴുകിക്കും
നമ്മളും മേൽകഴുകിക്കും - മേൽകഴുകിക്കും

തിരുനെല്ലിക്കാട്ടിലോ
തിരുവില്വാമലയിലോ
തിരുവാതിര ഞാറ്റുവേലപ്പെണ്ണ് ഹോയ്
തിരുമുറ്റം തൂത്തുതളിച്ചിതുവഴി വാ
തീർത്ഥജലക്കുമ്പിളുമായ് ഇതുവഴി വാ
പെണ്ണിതുവഴി വാ
തിരുനെല്ലിക്കാട്ടിലോ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Thirunellikkaattilo

Additional Info

അനുബന്ധവർത്തമാനം