സ്വർഗ്ഗമുണ്ടെങ്കിൽ ഇവിടെ

സ്വർഗ്ഗമുണ്ടെങ്കിൽ ഇവിടേ ഇവിടേ
പുഷ്പസായകാ ഇതിലേ ഇതിലേ
നിനച്ചിരിക്കാതിതുവഴിയെത്തിയ വിരുന്നുകാരാ
ഇറക്കിവയ്ക്കുക നിന്റെമനസ്സിലെ വിഷാദജാലാ

ദൈവം മനുഷ്യനു കാഴ്ച്ചവെച്ചു
മധുവും മഹിളയും യൌവ്വനവും
മദിച്ചും രസിച്ചുമാ ലഹരിയിൽ മുങ്ങാത്ത
മാനവ ജീവിതം എന്തിനായി-
നിനക്കെന്തിനായി-
(സ്വർഗ്ഗമുണ്ടെങ്കിൽ...)

ആയിരം പൌർണ്ണമിച്ചാറെടുത്ത്
അമൃതുപിഴിഞ്ഞുള്ള നീരെടുത്ത്
കാമദേവൻ മെനഞ്ഞെടുത്തു
കാണുന്നവർക്കോ കൊതിയെടുത്തു -എന്നെ
കാണുന്നവർക്കോ കൊതിയെടുത്തു
(സ്വർഗ്ഗമുണ്ടെങ്കിൽ.......)