മല്ലികാബാണൻ തന്റെ വില്ലെടുത്തു
Music:
Lyricist:
Singer:
Raaga:
Film/album:
മല്ലികാബാണന്‍ തന്റെ വില്ലെടുത്തു
മന്ദാരമലര്‍ കൊണ്ട് ശരം തൊടുത്തു
മാറിലോ - എന്റെ മനസ്സിലോ
മധുര മധുരമൊരു വേദന
മദകരമാമൊരു വേദന
മല്ലികാബാണന്‍ തന്റെ വില്ലെടുത്തു
അകലെയകലെയായ് സൗന്ദര്യത്തിന്‍
അളകനന്ദയുടെ തീരത്ത്‍
തങ്കക്കിനാവുകള്‍ താലമെടുക്കും
താരുണ്യ സങ്കല്‌പ മദിരോത്സവം -പ്രേമ
ഗാനം തുളുമ്പുന്ന കാവ്യോത്സവം
മല്ലികാബാണന്‍ തന്റെ വില്ലെടുത്തു
ഹൃദയസഖിയിനി ജീവിതമൊരുക്കും
മധുവിധു രജനിതന്‍ മാറത്ത്
കല്‌പനാലക്ഷങ്ങള്‍ പൂമാരി ചൊരിയും
രാഗാനുഭൂതിതന്‍ വസന്തോത്സവം - പ്രേമ
ഗാനം തുളുമ്പുന്ന കാവ്യോത്സവം
മല്ലികാബാണന്‍ തന്റെ വില്ലെടുത്തു
മന്ദാരമലര്‍ കൊണ്ട് ശരം തൊടുത്തു
മാറിലോ - എന്റെ മനസ്സിലോ
മധുര മധുരമൊരു വേദന
മദകരമാമൊരു വേദന
മല്ലികാബാണന്‍ തന്റെ വില്ലെടുത്തു
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
(1 vote)
Mallikabanan thante villeduthu
Additional Info
ഗാനശാഖ: