ശംഭുവിൻ കടുംതുടി

 

ശംഭുവിൻ കടും തുടി മുഴങ്ങുമ്പോൾ
അണ്ഡ കടാഹങ്ങൾ ഉണരുന്നു
അർദ്ധ നാരീശ്വര ചൈതന്യത്തിൻ
അനുപമ സൗന്ദര്യമറിയുന്നു

ആപാദചൂഡം വെണ്ണീറു പൂശി
ആയിരം സർപ്പ ഫണമാല ചൂടീ
പുലിത്തോലുടുത്തെത്തും താൺദവ പ്രിയനേ
പുരുഷാർഥങ്ങൾ നിൻ ഭൂതഗണങ്ങൾ
നമസ്തേ നമസ്തേ നമസ്തേ

ഇന്ദ്രനീലാഭമാം നിന്നോമൽ കണ്ഠവും
ചന്ദ്രക്കല തന്റെ ചാരുതയും
ചെങ്കനൽ ചിതറുന്ന മൂന്നാം മിഴിയും
സംഹാരമൂർത്തേ
നമസ്തേ നമസ്തേ നമസ്തേ
നമസ്തേ നമസ്തേ നമസ്തേ