നീലമേഘം ഒരു പീലിക്കണ്ണ്

നീലമേഘം ഒരു പീലിക്കണ്ണ്
വേലെടുത്ത മുരുകന്‍ കേളിയാടും
പിണിമുഖത്തൂവലിന്റെ ശൃംഗാരക്കണ്ണ്
ആ കണ്ണിലുണരുന്ന കണ്ണാക്കൂ.. എന്നെ
അറിവിന്റെ വേദക്കണ്ണാക്കൂ...

(നീലമേഘം)

കടലിന്‍ നടുവിലെ കല്മഷദ്വീപിലെ
പടുമരമായെന്നെ മുറിയ്‌ക്കൂ...
നൂറു സൂര്യന്മാര്‍ ഉദിയ്‌ക്കുന്ന വേലാല്‍
ഈ താരകഹൃദയം പിളര്‍ക്കൂ...
മോക്ഷപ്പഴനിയില്‍ മാമ്പഴമായെന്റെ
മോഹം സ്വീകരിക്കൂ.. ഈ
മോഹം സ്വീകരിക്കൂ...

(നീലമേഘം)

തളയായ് തൃക്കാലില്‍ ചിരിപ്പിക്കൂ.. മനം
തങ്കവര്‍ണ്ണ മയിലാക്കി പറന്നുയരൂ..
കുലഗിരിമുടിയിലും അലകടല്‍ത്തോളിലും
ആകാശക്കാവടിയാടിക്കൂ.. നീ
അഗ്നിക്കാവടിയാടിക്കൂ...

(നീലമേഘം)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Neelamegham, neelamekham, neelamegam

Additional Info

അനുബന്ധവർത്തമാനം