തുയിലുണരുക തുയിലുണരുക

തുയിലുണരുക, തുയിലുണരുക കരിമലവാസാ
വരമരുളുക, വരമരുളുക കലിയുഗവരദാ
സ്വാമി ശരണം അയ്യപ്പാ
സ്വാമി ശരണം അയ്യപ്പാ
(തുയിലുണരുക..}

കാട്‌ ഞങ്ങൾക്കു വീട്‌; കല്ലും മുള്ളും പൂവ്‌
കാട്ടിലെ മൃഗക്കൂട്ടവും വഴികാട്ടിടും നടക്കാവ്‌
ശരണം അയ്യപ്പാ; സ്വാമി ശരണം അയ്യപ്പാ
ഞങ്ങൾ ശബരിമലക്കിളികളായി വരണം അയ്യപ്പാ
(തുയിലുണരുക..)

പമ്പയാറ്റിൻ തീരം; പാവനമാം തീർത്ഥം
പഴയ ജന്മ ദുരിതവും മേൽകഴുകിടും മുഹൂർത്തം
ശരണം അയ്യപ്പാ; സ്വാമി ശരണം അയ്യപ്പാ
ഞങ്ങൾ കരിമലയുടെ കരുണതേടി വരണം അയ്യപ്പാ
(തുയിലുണരുക)

ഇരുമുടിയുടെ ഭാരം; ഇനിയുമെത്ര ദൂരം
പതിനെട്ടാം പടിയിലേതു പടിയിലെന്റെ മോക്ഷം
ശരണം അയ്യപ്പാ; സ്വമി ശരണം അയ്യപ്പാ
വീണ്ടും പുനരപിയുടെ പിടിയിൽ മുക്തി തരണം അയ്യപ്പാ
(തുയിലുണരുക )