ആശിച്ച കടവിൽ
ആശിച്ച കടവില്‍ വഞ്ചിയടുത്തില്ല
വീശി കൊടുങ്കാറ്റു നീളേ
ഓളങ്ങളുലഞ്ഞു കൈത്തുഴ വീണു
കാണാതെയായി നിന്‍ കളിവള്ളം
ഇതു വിധിയോ കര്‍മ്മഫലമോ
കതിര്‍കാണാക്കിളിയുടെ കഥയോ
കതിര്‍കാണാക്കിളിയുടെ കഥയോ
ആശിച്ച കടവില്‍ വഞ്ചിയടുത്തില്ല
വീശി കൊടുങ്കാറ്റു നീളേ
കണ്മഷിയെഴുതാത്ത കരിനീലക്കണ്ണിലെ
കദനക്കടലിന്റെയാഴം
കണ്മഷിയെഴുതാത്ത കരിനീലക്കണ്ണിലെ
കദനക്കടലിന്റെയാഴം
കരളേയറിയുന്നതാരാണീ ഭൂമിയില്‍
കരഞ്ഞതുകൊണ്ടിനിയെന്തു കാര്യം
കരഞ്ഞതുകൊണ്ടിനിയെന്തു കാര്യം
ആശിച്ച കടവില്‍ വഞ്ചിയടുത്തില്ല
വീശി കൊടുങ്കാറ്റു നീളേ
മാമ്പൂക്കളെല്ലാം മാങ്കനിയാവില്ല
സൗവര്‍ണ്ണസ്വപ്നവും അതുപോലേ
മാമ്പൂക്കളെല്ലാം മാങ്കനിയാവില്ല
സൗവര്‍ണ്ണസ്വപ്നവും അതുപോലേ
കണ്ണേ മടങ്ങുക നീ കണ്ടതെല്ലാം
മായികമാമൊരു പാഴ്ക്കിനാവായ്
ഇതു വിധിയോ കര്‍മ്മഫലമോ
കതിര്‍കാണാക്കിളിയുടെ കഥയോ
കതിര്‍കാണാക്കിളിയുടെ കഥയോ
ആശിച്ച കടവില്‍ വഞ്ചിയടുത്തില്ല
വീശി കൊടുങ്കാറ്റു നീളേ
ഓളങ്ങളുലഞ്ഞു കൈത്തുഴ വീണു
കാണാതെയായി നിന്‍ കളിവള്ളം
ഇതു വിധിയോ കര്‍മ്മഫലമോ
കതിര്‍കാണാക്കിളിയുടെ കഥയോ
കതിര്‍കാണാക്കിളിയുടെ കഥയോ
