തൊഴുകൈത്തിരിനാളം

തൊഴുകൈത്തിരിനാളം നീട്ടിനിന്നെരിയുന്ന
മെഴുതിരി ഞാന്‍ - കൊച്ചു മെഴുതിരി ഞാന്‍
മിഴിനീര്‍മണികളാല്‍ ജപമാല കോര്‍ത്തു നിന്‍
കഴലിണ മുത്തുന്നു ഞാന്‍ ദേവാ -
കഴലിണ മുത്തുന്നു ഞാന്‍ 
തൊഴുകൈത്തിരിനാളം നീട്ടിനിന്നെരിയുന്ന
മെഴുതിരി ഞാന്‍ - കൊച്ചു മെഴുതിരി ഞാന്‍

മന്നിന്റെ പാപം ചുമലിലേറ്റി
ഇന്നലെ ഈവഴി പോയതില്ലേ - എന്നുമെൻ
കൊച്ചു വിരുന്നുമുറിയില്‍ ഞാന്‍
നിന്‍ കഴലൊച്ചയും കാത്തു നില്പൂ
തൊഴുകൈത്തിരിനാളം നീട്ടിനിന്നെരിയുന്ന
മെഴുതിരി ഞാന്‍ - കൊച്ചു മെഴുതിരി ഞാന്‍

കൈയില്‍ നീ തന്നൊരീ പാനപാത്രം
കണ്ണുനീരാലേ നിറഞ്ഞു പോയി
നിന്‍ വിരലാലൊന്നു തൊട്ടുവെങ്കില്‍ അതു-
മുന്തിരിനീരായ് മാറുകില്ലേ
മുന്തിരിനീരായ് മാറുകില്ലേ
തൊഴുകൈത്തിരിനാളം നീട്ടിനിന്നെരിയുന്ന
മെഴുതിരി ഞാന്‍ - കൊച്ചു മെഴുതിരി ഞാന്‍

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Thozhu kai thiri naalam

Additional Info

അനുബന്ധവർത്തമാനം