കർപ്പൂരനക്ഷത്ര ദീപം

കർപ്പൂരനക്ഷത്ര ദീപം കൊളുത്തും
കാവൽ മാലാഖമാരേ
ഇരുളോടിരുൾ മൂടും ഈ വഴിത്താരയിൽ
ഒരു തിരിനാളമെറിഞ്ഞു തരൂ (കർപ്പൂര..)

വിണ്ണിൻ വെളിച്ചമീ മണ്ണിൽ വീണിട്ട്
രണ്ടായിരത്തോളമാണ്ടുകളായ്
ഈ ഉഷ്ണമേഖലയിൽ
ഈ നിശ്ശബ്ദതയിൽ വിടരും മുൻപേ
മോഹപുഷ്പങ്ങൾ കൊഴിയുകയാണല്ലോ
വാടിക്കൊഴിയുകയാണല്ലോ (കർപ്പൂര..)

വിണ്ണിൻ കൈകളീ കണ്ണീർ തുടച്ചിട്ട്
രണ്ടായിരത്തോളമാണ്ടുകളായ്
ഈ നിത്യ ശൂന്യതയിൽ
ഈ ഏകാന്തതയിൽ
നിറയും മുൻപേ പാനപാത്രങ്ങൾ
തകരുകയാണല്ലോ പൊട്ടി-
ത്തകരുകയാണല്ലോ (കർപ്പൂര...)