മുടി നിറയെ പൂക്കളുമായ്
മുടി നിറയെ പൂക്കളുമായ്
കടമിഴിയിൽ കവിതയുമായ്
മധുമതി നിന്നെ കാണുമ്പോളൊരു
മധുരവികാരം - മനസ്സിൽ
മധുരവികാരം
ആ വികാരസരസ്സിൽ ഞാനൊരു
പൂവിതളായ് വിരിയുമ്പോൾ
കണ്ണിലെ കവിതയ്ക്കു പറന്നുയരാനൊരു
കനകച്ചിറകു തരാമോ
(മുടി നിറയെ ... )
വെള്ളക്കസവുടയാടയുടുത്തൊരു
വയനാടൻ കിളി പോലെ
പറന്നകന്നു പോയാലോ നീ
പവിഴപ്പൂങ്കാവിൽ - മറ്റൊരു
പവിഴപ്പൂങ്കാവിൽ
ചങ്ങമ്പുഴയുടെ രമണനിലെ
ചന്ദ്രികയല്ല ഞാൻ
കാമഹൃദയങ്ങളമ്മാനമാടും
ദേവദാസിയല്ല ഞാൻ
മുടി നിറയെ പൂക്കളുമായ്
കടമിഴിയിൽ കവിതയുമായ്
മധുമതി നിന്നെ കാണുമ്പോളൊരു
മധുരവികാരം - മനസ്സിൽ
മധുരവികാരം
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
MUdi niraye pookkalumaay
Additional Info
ഗാനശാഖ: