വർണ്ണവും നീയേ വസന്തവും നീയേ

വർണ്ണവും നീയേ വസന്തവും നീയേ
വർഷവും നീയേ ഹർഷവും നീയേ
ഗാനവും നീയേ ഗഗനവും നീയേ
സാഗരം നീയേ സായൂജ്യം നീയേ
വർണ്ണവും നീയേ വസന്തവും നീയേ...

ഉഷസ്സിൻ അമ്പല മണിദീപ ചലനം
ഉണരും നിൻകണ്ണിലതിൻ പ്രതിഫലനം
ഉഷസ്സിനെ തൊഴുമോ ദേവിയെ തൊഴുമോ 
ആ‍ാ..ആ‍ാ...ആ.....
ഉഷസ്സിനെ തൊഴുമോ ദേവിയെ തൊഴുമോ 
ഉത്തരമദ്വൈത ചിന്തയായൊഴുകീ
ഉഷസ്സു നീ തന്നെയല്ലോ
എന്റെ മനസ്സും നീതന്നെയല്ലോ 
വർണ്ണവും നീയേ വസന്തവും നീയേ

ഉറക്കം ലാളിക്കും മമസ്വപ്നഗാനം
ഉണരും നേരത്ത്‌ നിൻനാവിലുണരും (ഉറക്കം..)
എനിക്കു ചിരിക്കാൻ നിൻ ചുണ്ടു വേണം
എനിക്കെന്തും കാണാൻ നിൻ മിഴിപ്പൂക്കൾ വേണം
പ്രഭവം നീ തന്നെയല്ലോ
എന്റെ പ്രപഞ്ചം നീ മാത്രമല്ലോ 

വർണ്ണവും നീയേ വസന്തവും നീയേ
വർഷവും നീയേ ഹർഷവും നീയേ
ഗാനവും നീയേ ഗഗനവും നീയേ
സാഗരം നീയേ സായൂജ്യം നീയേ
വർണ്ണവും നീയേ വസന്തവും നീയേ...