കാടുറങ്ങീ കടലുറങ്ങീ
കാടുറങ്ങീ - കടലുറങ്ങീ
കണ്ണുനീര്‍പ്പൂവുകള്‍ വീണുറങ്ങീ - ഹോയ്
കണ്ണുനീർപ്പൂവുകൾ വീണുറങ്ങീ
തീരാത്ത നൊമ്പരം രാഗങ്ങളാക്കുന്ന
തെന്നലും വള്ളിയില്‍ ചാഞ്ഞുറങ്ങീ ഹോയ്
തെന്നലും വള്ളിയില്‍ ചാഞ്ഞുറങ്ങീ
കാടുറങ്ങീ കടലുറങ്ങീ
കണ്ണുനീര്‍പ്പൂവുകള്‍ വീണുറങ്ങീ
കന്യകയായാലും കാമുകിയായാലും
പെണ്ണിന്നുറങ്ങുവാനാമോ
ഭാര്യയായ് തീര്‍ന്നാലും അമ്മയായ് തീര്‍ന്നാലും
പെണ്ണിനുറങ്ങുവാനാമോ - ദുഃഖത്തിൽ
കണ്ണിമ പൂട്ടുവാനാമോ
കാടുറങ്ങീ - കടലുറങ്ങീ
കണ്ണുനീര്‍പ്പൂവുകള്‍ വീണുറങ്ങീ
കന്യക കാണുന്നു കന്നിക്കിനാവുകള്‍
കാമുകി നെയ്യുന്നു വ്യാമോഹങ്ങള്‍
ഒരു മോഹം വിടരുമ്പോള്‍
ഒരു മോഹമടരുന്ന
ഒരു നിഴല്‍ നാടകമല്ലോ - ജീവിതം
ഒരു നിഴല്‍ നാടകമല്ലോ
കാടുറങ്ങീ കടലുറങ്ങീ
കണ്ണുനീര്‍പ്പൂവുകള്‍ വീണുറങ്ങീ
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Kaadurangi Kadalurangi
Additional Info
Year:
1969
ഗാനശാഖ: