സ്നേഹത്തിൻ കോവിലിൽ
സ്നേഹത്തിന്‍ കോവിലില്‍ പൂത്താലമേന്താന്‍
സ്ത്രീജന്മം തന്നു ദൈവം -സ്ത്രീജന്മം തന്നു ദൈവം
സൗന്ദര്യം തന്നു സങ്കല്‍പ്പം തന്നു
സങ്കടങ്ങള്‍ തന്നു ദൈവം
സ്നേഹത്തിന്‍ കോവിലില്‍ പൂത്താലമേന്താന്‍
സ്ത്രീജന്മം തന്നു ദൈവം - നമ്മൾക്കു
സ്ത്രീജന്മം തന്നു ദൈവം
ഭൂമിയെപ്പോലെ ക്ഷമിക്കേണം നമ്മള്‍
കരള്‍ തകര്‍ന്നാലും ചിരിക്കേണം
പുരുഷന്റെ പൂമെത്തയാകണം നമ്മള്‍
പുളകങ്ങള്‍ കോര്‍ത്തവനേകണം
പത്നിയാകാത്തവള്‍ ഏകയല്ലേ
അവളുടെ സ്ത്രീജന്മം പാഴല്ലേ
അവളുടെ സ്ത്രീജന്മം പാഴല്ലേ
സ്നേഹത്തിന്‍ കോവിലില്‍ പൂത്താലമേന്താന്‍
സ്ത്രീജന്മം തന്നു ദൈവം - നമ്മൾക്കു
സ്ത്രീജന്മം തന്നു ദൈവം
രാ‍ഗത്തിന്‍ കാളിന്ദിയാകേണം നമ്മള്‍
ത്യാഗതരംഗങ്ങളാകേണം
മക്കളെപ്പെറ്റു വളര്‍ത്തണം നമ്മള്‍
മാനവകഥ തുടര്‍ന്നെഴുതേണം
അമ്മയാകാത്തവള്‍ സ്ത്രീയാണോ
അലരില്ലാ പാഴ്മരം മരമാണോ
അലരില്ലാ പാഴ്മരം മരമാണോ
സ്നേഹത്തിന്‍ കോവിലില്‍ പൂത്താലമേന്താന്‍
സ്ത്രീജന്മം തന്നു ദൈവം - നമ്മൾക്കു
സ്ത്രീജന്മം തന്നു ദൈവം
