കതിർമണ്ഡപം സ്വപ്ന - M

ആ...ആ....ആ...
കതിർമണ്ഡപം സ്വപ്ന സ്വരമണ്ഡപം
കതിർചൂടുമനുരാഗ ശ്രുതിമണ്ഡപം
ഇവിടെ നാം കൊളുത്തുന്ന കൈത്തിരിയല്ലോ
ഇരുഹൃദയങ്ങളെ നയിക്കും തൂവെളിച്ചം
കതിർമണ്ഡപം സ്വപ്ന സ്വരമണ്ഡപം
കതിർചൂടുമനുരാഗ ശ്രുതിമണ്ഡപം

തോരണങ്ങൾ വെറും കുരുത്തോലകൾ - അവ
കാവ്യങ്ങളുറങ്ങും എഴുത്തോലകൾ
നിറപറയിൽ വെറും നെന്മണികൾ
ആ‍...ആ...ആ...
നിറപറയിൽ വെറും നെന്മണികൾ - അവ
നിരവദ്യകാമനകൾതൻ പൊന്മണികൾ
കതിർമണ്ഡപം സ്വപ്ന സ്വരമണ്ഡപം
കതിർചൂടുമനുരാഗ ശ്രുതിമണ്ഡപം

പൂത്താലത്തിൽ വെറും പുടവ മാത്രം
പൂത്താലത്തിൽ വെറും പുടവ മാത്രം - അതു
മുജ്ജന്മ കർമ്മത്തിൻ സാക്ഷിപത്രം
ആ...ആ...ആ...
പൂത്താലത്തിൽ വെറും പുടവ മാത്രം - അതു
മുജ്ജന്മ കർമ്മത്തിൻ സാക്ഷിപത്രം
പ്രദക്ഷിണമോ വെറും ചടങ്ങുപോലെ
പ്രദക്ഷിണമോ - പ്രദക്ഷിണമോ വെറും ചടങ്ങുപോലെ എന്നും
പിൻതുടരാമെന്ന പ്രതിജ്ഞയല്ലോ
കതിർമണ്ഡപം സ്വപ്ന സ്വരമണ്ഡപം
കതിർചൂടുമനുരാഗ ശ്രുതിമണ്ഡപം

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
kathir mandapam - M

Additional Info

അനുബന്ധവർത്തമാനം