ജന്മദിനം

രണ്ടു സ്ത്രീകളുടെ ആത്മ ബന്ധത്തിൻ്റെ  കഥയാണ് സിനിമയുടെ ഇതിവൃത്തം. ഗർഭിണിയായ ഒരു  ടിവി റിപ്പോർട്ടറായ സരസുവിനെ ചുറ്റിപ്പറ്റിയാണ് സിനിമയുടെ കഥ ചുരുളഴിയുന്നത്. അവൾ രഘുവിനെ  വിവാഹം കഴിച്ചു, പക്ഷെ അസന്തുഷ്ടമായ കുടുംബ ജീവതമാണ് അവൾക്ക് പരിണമിച്ചത്. ഇപ്പോഴും അവളുടെ സ്വപ്നങ്ങളിൽ തൻ്റെ പഴയ കാലത്തെ കാമുകനായ അജയുടെ സാന്നിധ്യമുണ്ട്. 

ഒരു അമ്മയും മകളും ഒരു പ്രസവവാർഡിൽ ചെലവഴിക്കുന്ന ഒരൊറ്റ രാത്രിയാണ് ചിത്രത്തിന്റെ പശ്ചാത്തലവും കഥാ പരിസരവും.

രാത്രിയുടെ യാമങ്ങൾ കഴിഞ്ഞ് പ്രഭാതമാവുന്നതോടെ  ആ കുഞ്ഞ് ജനിക്കുന്നു. ഈ കുഞ്ഞിൻ്റെ ജനനം കാത്തിരിക്കുന്ന സമയങ്ങളിൽ, നോൺ-ലീനിയർ ഘടനയിൽ മുന്നാട്ട് പോവുന്ന തരത്തിലാണ് ചിത്രം പുരോഗമിക്കുന്നത്.
അബോർഷനെ പറ്റിയുള്ള ചിന്തകളും, മുംബൈയിൽ  കലാപങ്ങൾ എന്നിവ കഥയുടെ ഗതിയിൽ സാന്നിധ്യമായി വരുന്നുണ്ട്.