ഡോ. കെ ടി ബാലചന്ദ്രൻ

പുതിയേടത്ത് അപ്പു കോമരത്തിന്റേയും കെ ടി ജാനകിയുടേയും മകനായി കാസർക്കോട് ജില്ലയിലെ ചെറുവത്തൂരിൽ ജനിച്ചു. ജി എച്ച് എസ് ചെറുവത്തൂരിൽ നിന്നും പത്താംക്ലാസും പയ്യന്നൂർ കോളേജിൽ നിന്നും പ്രീഡിഗ്രിയും വിജയിച്ച ബാലചന്ദ്രൻ കോഴിക്കോട് ഗവണ്മെന്റ് മെഡിക്കൽ കോളേജിൽ നിന്നും മെഡിക്കൽ ബിരുദം നേടി. അതിനുശേഷം കെ എം സി മാംഗ്ലൂരിൽ നിന്നും പീഡിയാട്രിക്സിൽ മാസ്റ്റർ ഡിഗ്രി നേടി.

സ്കൂൾകാലം മുതൽക്കുതന്നെ അഭിനയത്തോട് താത്പര്യമുണ്ടായിരുന്ന ബാലചന്ദ്രൻ തന്റെ വിദ്യാഭ്യാസകാലത്ത് സ്കൂൾ കോളേജ് തലങ്ങളിലായി മുപ്പതോളം നാടകങ്ങളിൽ അഭിനയിച്ചിട്ടുണ്ട്. ഡോക്റ്ററായി പ്രാക്റ്റീസ് ചെയ്യുന്നതിനിടയിലാണ് ബാലചന്ദ്രൻ സിനിമയിലേക്കെത്തുന്നത്. ഓഡിഷൻ വഴിയാണ് തൊണ്ടിമുതലും ദൃക്‌സാക്ഷിയും എന്ന സിനിമയിൽ അഭിനയിക്കുന്നതിനുള്ള  അവസരം ലഭിച്ചത്. അതിനുശേഷം ന്നാ, താൻ കേസ് കൊട്, കുണ്ഡലപുരാണം എന്നീ സിനിമകളിലും അഭിനയിച്ചു. ഇൻസ്റ്റാഗ്രാമം എന്ന ഒരു വെബ്ബ് സീരീസിലും ഡോക്റ്റർ ബാലചന്ദ്രൻ അഭിനയിച്ചിട്ടുണ്ട്.
സഹോദരൻ കെ ടി സുധാകരൻ സിനിമയിൽ അഭിനേതാവ്, സഹസംവിധായകൻ, എഡിറ്റർ, സ്ക്രിപ്റ്റ് റൈറ്റർ എന്നീ മേഖലകളിൽ പ്രവർത്തിക്കുന്നു.

ഡോക്റ്റർ കെ ടി ബാലചന്ദ്രന്റെ ഭാര്യ പത്മിനി. മക്കൾ അനു ചന്ദ്രൻ, ആതിര ചന്ദ്രൻ.

Address
Sadmam,Near Court complex,Taliparamba,Kannur dt pin 670141
Gmail
Mob 9497289282
8848182637