ബ്രൂസ്ലീ രാജേഷ്
Brusely Rajesh
കരാട്ടെ-കുങ്ഫു എന്നീ ആയോധന കലകളിൽ പ്രാഗല്ഭ്യം തെളിയിച്ച രാജേഷ് (ബ്രൂസ് ലീ രാജേഷ്)1995-ൽ നാഷണൽ കരാട്ടെ ചാമ്പ്യനായി തിരഞ്ഞെടുക്കപ്പെട്ടിടുണ്ട്.
സാഹസികതകൾ ഏറെ ഇഷ്ടപ്പെടുന്ന രാജേഷ് സംഘട്ടനമേഖലയിലേക്ക് കടന്നുവന്നതും ഏറെ ഇഷ്ടത്തോടെയും പ്രതീക്ഷയോടും കൂടിയാണ്.
പ്രശസ്ത ബോളിവുഡ് ഹാസ്യതാരം ജോണി ലിവറിന്റെ ഡ്യൂപ്പും തിരുവനന്തപുരം സ്വദേശിയും സുഹൃത്തുമായ ജോണി ഫ്ലവർ മുഖേനയാണ് സിനിമാ-സംഘട്ടനസംവിധാന ലോകത്തേക്കുള്ള വഴി രാജേഷിന് മുൻപിൽ തുറന്നുകൊടുക്കപ്പെടുന്നത്. ജോണി ഫ്ലവർ വഴി പ്രമുഖ സംഘട്ടന സംവിധായകൻ ടിനു ആനന്ദിനെ പരിചയപ്പെടാനും അദ്ദേഹത്തോടൊപ്പം ഒമ്പത് വർഷത്തോളം പ്രവർത്തിക്കാൻ സാധിച്ചു.
നിരവധി മറാത്തി, തമിഴു് ചിത്രങ്ങൾക്ക് വേണ്ടി സംഘട്ടനസംവിധാനം നിർവഹിച്ച രാജേഷ് 'മായക്കാഴ്ച'യിലൂടെയാണ് മലയാളത്തിലെത്തുന്നത്.