ശലഭമേ ചിത്രശലഭമേ

ശലഭമേ ചിത്രശലഭമേ
ശരപ്പൊളിച്ചിറകുള്ള ശലഭമേ
എന്റെ സ്വപ്നമാം മാലതീമലർ നിൻ
മധുമഞ്ജുഷയാക്കൂ നീ മണിമഞ്ജുഷയാകൂ
(ശലഭമേ...)

കുളിർ കോരിയിടും ഹൃദയപ്പൊയ്കയിൽ
സ്വപ്നം തുഴയുന്ന നേരം - വർണ്ണ
പുഷ്പം വിടരുന്ന നേരം
പുളകപ്പൂവുകൾ വാരിയണിഞ്ഞു ഞാൻ
പുഷ്പശരങ്ങളെയ്യും നിന്നെ
പൂണാരത്തിൽ ഉറക്കും
ശലഭമേ ചിത്രശലഭമേ

തളിരുടയാടകൾ താനേ അഴിയും
സ്വർഗ്ഗം തുറക്കുന്ന രാവിൽ
രാഗതാളം ഉണരുന്ന രാവിൽ
കാതരമിഴികൾ പൊത്തിപ്പൊതിഞ്ഞു ഞാൻ
കൈനഖക്കല ചാർത്തും നിന്നെ
കാമകലാശിലയാക്കും
(ശലഭമേ...)