ഒന്നാനാംകുന്നിറങ്ങി വാവാ

ഒന്നാനാംകുന്നിറങ്ങി വാവാ
അമ്മാനം ആടിയാടി വാവാ
മാൻകിടാവേ നീ തേൻകിനാവേ നീ
കണ്ണിന്നാനന്ദമേ കൂടെ വാ  (ഒന്നാനാം.. )

പൊൻപീലി പാകിടുന്നു ഭൂമിയിൽ മുകിൽക്കിളി
സംഗീതം പെയ്തിടുന്നു ആരാമപ്പൈങ്കിളി
ഈ സന്ധ്യതൻ സൗന്ദര്യം കൂട്ടുവാൻ
ആമോദസൗഭാഗ്യമേ കൂടെ വാ  (ഒന്നാനാം.. )

പൂത്താലമേന്തിടുന്നു കിങ്ങിണിച്ചില്ലകൾ
നീരോളം നീർത്തിടുന്നു നീളവേ വീചികൾ
ഈ വേളതൻ മാധുര്യം കൂട്ടുവാൻ
കൈവല്യസാരമേ നീ കൂടെ വാ  (ഒന്നാനാം.. )