വെള്ളിനിലാവിൽ

വെള്ളിനിലാവിൽ നാണിച്ചു മാറും
കറുത്ത യാമിനീ
എന്നന്തരംഗത്തിൻ നാളങ്ങളിൽ നിന്നും
ഉണരുന്നതെതു വികാരം (വെള്ളി..)
 
ഉറങ്ങാത്ത മോഹങ്ങളിണ ചേർന്നു രമിക്കും
ഉന്മാദമിളക്കുന്ന രാവിതിൽ
അടങ്ങാത്ത ദാഹങ്ങളലയടിച്ചുയരും
ശൃംഗാരമദാലസമാം നിമിഷം
ഓ..ഓ.. (വെള്ളി..)
 
വിടരാത്ത മോഹത്തിൻ മുത്തുകളേന്തി
വിരഹിണീ നിന്നെ തേടി ഞാൻ
അനന്തമാം ഏതോ സ്വപ്നാടനങ്ങളിൽ
തിരയുന്നു നിന്നെയീ ഞാനലസം (വെള്ളി..)