താരഹാരം ചൂടി വരൂ

താരഹാരം ചൂടിവരൂ
തരളമിഴിയാൽ തഴുകി വരൂ
രാവുറങ്ങും താഴ്വരയിൽ
ശിശിരമഞ്ഞും കുളിരുകയോ

മാരിവില്ലിന്മേൽ മനമൊരൂഞ്ഞാലായ്
പാടിയാടാൻ പോരൂ രാഗലോല-
കോകിലമേ
നിന്റെ പഞ്ചമവും ലളിതമോഹനവും
കേട്ടുറങ്ങുമെന്റെ കൗമാരം

പാതിമാഞ്ഞ തിങ്കൾ ദൂരെ വന്നുദിക്കും
രാക്കടമ്പിലേതോ രാത്രിമുല്ല പൂക്കും
മേഘജാലകങ്ങൾ പൂവണിഞ്ഞു
മനസ്സിലെ  മരതകവിരിയിൽ
പൂവണിഞ്ഞു മനസ്സിലെ  
മരതകവിരിയിൽ

താരഹാരം ചൂടിവരൂ
തരളമിഴിയാൽ തഴുകി വരൂ
രാവുറങ്ങും താഴ്വരയിൽ
ശിശിരമഞ്ഞും കുളിരുകയോ