ഒരു നാളിൽ ഒരു ദിക്കിൽ

 

ഒരു നാളിൽ ഒരു ദിക്കിൽ സമ്മേളിച്ചൂ
ഒരായിരം ചുവപ്പുകൾ സമ്മേളിച്ചു
പല പല ദിക്കിൽ നിന്നും വന്നവർ
പല പല പൂക്കളിൽ നിന്നും വന്നവർ
ഒരു നാളിൽ ഒരു ദിക്കിൽ സമ്മേളിച്ചു
ഒരായിരം ചുവപ്പുകൾ സമ്മേളിച്ചു

ആതിരത്താരത്തിൻ ചുവപ്പു വന്നൂ
ആയിരം സന്ധ്യ തൻ ചുവപ്പു വന്നൂ
പനിമതിപ്പെണ്ണിന്റെ തത്തമ്മച്ചുണ്ടിന്റെ
താംബൂലക്കൂട്ടിന്റെ ചുവപ്പു വന്നൂ
(ഒരു നാളിൽ..)

കവിയുടെ കണ്ണുകൾ നോക്കുമ്പോൾ
അവിടൊരു ചുവപ്പിനെ കണ്ടീല
മർദ്ദിതമർത്ത്യന്റെ രക്തത്തിളപ്പിന്റെ
ഉഗ്രരോഷത്തിന്റെ ചുവപ്പില്ലാ
(ഒരു നാളിൽ...)