മിന്നി മറഞ്ഞ കിനാവുകളോ

 

മിന്നി മറഞ്ഞ കിനാവുകളോ
മിന്നാമിന്നികളോ
വീണ്ടും വീണ്ടും പൊൻ വല വീശി
വിണ്ണിലെന്തിനു വന്നൂ നിങ്ങൾ
വിണ്ണിലെന്തിനു വന്നൂ

ഒരു പൊന്മീനായ് വീണു കുടുങ്ങി
അറിയാതറിയാതെൻ ഹൃദയം
ഒരു വെണ്മുത്തായ് വീണു തിളങ്ങീ
അതിൽ നിന്നൂറിയ ചുടുകണ്ണീർ
(മിന്നിമറഞ്ഞ..)

തനിയേ പാടിപ്പാടിയുറങ്ങും
ഒരു നീർക്കിളിയാണെൻ ഹൃദയം
കരയിലിരുന്നൊരു വേണുവിലൂടെൻ
കരളിൽ തേങ്ങൽ പകർന്നൂ നീ
(മിന്നി മറഞ്ഞ...)