നീയും നിന്റെ കിളിക്കൊഞ്ചലും

 

നീയും നിന്റെ കിളിക്കൊഞ്ചലും
നാണം കൊണ്ട രതിഭാവവും
നവനീലപ്പൂവേ നീ എന്റെ സ്വപ്നങ്ങളിൽ
നവനീത ധാരയായി വേറൊരു നഗ്നേന്ദു ലേഖയായ് (നീയും...)

നാരകം പൂക്കുന്ന യാമങ്ങളിൽ
പക്ഷി നാവോറു പാടുന്ന തീരങ്ങളിൽ (2)
ഈ തീരങ്ങളിൽ നമ്മളിൽ നമ്മളെ കണ്ട മുഹൂർത്തങ്ങൾക്കെ
-ന്തൊരാവേശമായിരുന്നൂ എന്തൊരാനന്ദമായിരുന്നൂ
ലാ.. ലാ... ലാ... ലാ.. (നീയും...)

മന്മഥൻ തീർക്കുന്ന മഞ്ചങ്ങളിൽ
ഗൗളി മന്ത്രങ്ങളോതുന്ന മാടങ്ങളിൽ (2)
വെൺ മാടങ്ങളിൽ എന്നിലും നിന്നിലും പൂത്ത രോമാഞ്ചങ്ങൾക്ക്
എന്തു സൗരഭ്യമായിരുന്നു എന്തു സൗന്ദര്യമായിരുന്നു
ആ..ആ.ആ (നീയും...)